Gernikan izan zen larunbateko partida Nerbioi taldearentzat. Goizeko 12ak ziren eta eguzkia zen nagusi zeruan. Etxekoek talde oso indartsu eta esperientzi handikoa atera zuten(jokalari asko ohorezko mailan partiduak jokatutakoak).
Partida osoan zehar etxekoak izan ziren nagusi, bai banan-banakoan eta baita taldeko jokoan. Gureek ez zuten lortzen baloiaren jabe izatea, basurdeen erasoetatik babesten ahalegindu ziren partida osoan zehar. Lehenengoko zatiko orden defentsibo falta gutxika-gutxika zuzentzen joan ziren gure mutilak eta nahiko ondo defendatu zen bigarren zatiko zenbait fasetan. 94-0eko porrota izan zen, hala ere Aiaraldeko taldeak ez zituen besoak jaitsi momentu batean ere ez. Harro sentitzeko jarrera gure jokalariena.
Ez da motibaziorik faltako lanean jarraitzeko. Talde oso indartsu baten kontra galdu zen, beste maila batean dagoena, jarrera ona erakutsiz eta hirugarren denbora irabaziz. Otsailaren 14an jasoko dugu Erreforrean Zarautzen bisita, eguna noiz helduko irrikan daude gure jokalariak. Bultza Nerbioi!