EAJren eskutik osasuneko sailburu Bengoa jaunak jasotako kontu eskatzea lotsagabekeria galanta iruditzen zaio Amurrioko Ezker Abertzaleari. “Are gehiago, Inclan jauna sailburu zela 2007. eta 2009. urte bitartean talde honek aurkeztu eta aho batez onartutako mozioari muzin egin ostean”.
“EAJko sailburuak erakutsitako geldotasunaren aurrean, Ezker Abertzaleak 2010ean pauso bat harago joan eta Aiarako Koadrilan gehiengoz eta PSOEren abstentzioarekin aprobatu zen mozio bera aurkeztu zuela” gogorarazten dute.
2011 honetan, EAJko biltzarkide batek PSOEkoa den Bengoa sailburuari Aiarako eskualdeko ginekologia arloari erreferentzia eginez egindako eskaerak “harritzen” ditu ordezkari hauek.
“Aiarako instituzioek aho batez egindako eskarien aurrean bi sailburuek izandako jarrera publikoki salatzen du” Ezker Abertzaleak, eta baita ere argiro Osakidetzaren erruz gabeziak dituen arreta jasotzen duten eskualdeko emakumeen eskutik.
Halaber, orain arteko “Aiara eskualdeko ginekologia zerbitzuko datu zehatzak” eskatzean EAJren jarrera “erabat elektoralista” salatzen dute, diotenaren arabera, Amurrioko Udalean eta Aiarako Koadrilan baitutuzte datu zehatzak: “20.000 emakume baino gehiago eta ginekologo postu bakarra”.
“Ez al zaudete itxurak egiteaz nazkatuta? Zuen ezgaitasunak nazkatuta gauzkan bitartean, zuek elkarri pilota pasatzen diozue, zuen poltronetan eroso zaudetelarik Aiarako emakumeek hiruzpalau hilabetetako itxaron zerrendak pairatzen dituzten bitartean. Askotan kontsulta pribatuetara joatera behartuak ikusten dituzte euren buruak, zerbitzu publikoaren erabateko gabezia dela eta” salatzen dute.
Hargatik, “ginekologia arreta zerbitzuaren pribatizazioaren alde egindako hautu argia dela” salatzen du udal talde horrek.