Apurtutako itsulapikoa

Erabiltzailearen aurpegia

Azkenaldian pentsioak kobratzeko aurkituko ditugun arazoei buruz asko hitz egiten da herritarren artean. Apurka-apurka pentsioen zuloa estaltzeko zergen igoera milaka milioikoa izango dela zabaltzen ari da.

Egia esanda, agian horrela izan beharko da; baina orain interesatzen zaidana da azaltzea nola gastatu diren edo nola xahutzen ari diren guk jarri ditugun milaka milioi horiek.

Gobernuak itsulapikoa errekurtsoz hornitu nahi du; eta horretarako, hau da, defizita finantzatzeko, zergak igotzea proposatuko digu. Itsulapikoa betetzeko baliabide ekonomikoak lortzea garrantzitsua da, baina horretarako lehenago egiaztatu behar da itsulapikoak beste zulorik ez edukitzea. Guk jarriko ditugun baliabideak beste zuloetatik ez jariatzeko.

Beheko zuloa estali arte, goiko aldetik dirua sartzeak ez du ezertarako balio. Itsulapikoa sakonean ixtea beharrezkoa da; langileok egindako ekarpenak eta zergen igoerak zulo handi horretatik alferrik joan ez daitezen.
Zergak igo baino lehen ahalegin bikoitza proposatzen dut: alde batetik, iruzurgileei segika ibiltzea, eta bestetik Administraziotik gastuen kontrola optimizatzea.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide