Bertso Barnetegia, Espejon.
Apirilak 3, 4 eta 5 Aste Santuko oporrak izango dira eta umetxoak jai izango dute. Ez horrela haien gurasoak. Horretarako, egun horiek dibertigarriak izan daitezen Amurrioko Euskara arloak Bertso Barnetegi bat antolatu du, Espejon.
Amurrion erroldatutako Lehen Hezkuntzako 3., 4., 5. eta 6.mailako ikasleentzat izango da. Hortaz, lekuak sobran geratuko balira, herriko beste umeentzako irekiko da izen-ematea.
Eskualdeko beste udalekin, eta Arabako Bertsozale Elkarteari antolatu dute. Azken hau egitarauren garapenaren arduraduna izango da.
Prezioa 40€takoa da, begiraleak, lojamendua, janaria eta materiala barne egonda.
Lekua: Arabako Foru Aldundiaren Espejoko aterpetxean. Data: 2013ko apirilaren 3, 4 eta 5 (Pazko astea, ikasle guztiak jai dute). Adina: 8 urtetik 12 urtera bitartean. Helburuak: Aisialdian Kultur ekintzekin gozatzea eta bertsozaletasuna zorraztea, Euskal kultura modu sortzaile eta aktibo batean bizitzeko aukera eskaintzea, ahozkotasuna lantzea, eta euskara komunikazio tresna moduan hobetu. Hortaz, euskara bultzatzea, eta batez ere hizkuntzaren erregistro informala lantzea, lagunartea eta jolas giroa baliatuz, bertsolaritza jolas moduan ulertzea. Baita ere, beste herrietako ikasleekin harremanetan jartzea, eta harreman gaitasun hauek garatzea, autonomia pertsonala landuz beste helburu batzuen artean.
Ludoteka
Bestealde, Aspaltza Euskara Elkarteak ludoteka bat antolatu du. Martxoaren 25tik 27ra, eta Apirilaren 2tik 5ra. Bata aste santurako, eta bestea Pazko asterako. Martxoko aukeran, bi txanda edo ordutegi diferente daude: 10.00tik 13tara, edo 11.00tik, 13tara. Lehenengo txanda 10€ eta bigarrena 7.50€.
Pazko Astean ordutegi berdinak, eta prezio diferente. 15€ lehenengo txandako eta 10€ bi ordutarako. 3-8 urte bitarteko umetxoentxako dira. Eskulan errazak eta jokuak egingo dituzte. Amurrioko Aiara etorbideko 7 zenbakian dagoen ludotekan parte hartzeko aspaltza@hotmail.com mail bat bidali. Bertan, izen-abizenak, adina, telefono zenbakia eta aukeratutako ordutegiarekin beteko da.