Orain dela hogei urte jaio zen Amurrioko Trikitixa Eskola eta horregatik urtarrilaren 19an dohako kontzertua emango dute Amurrio Antzokian arratsaldeko 19.30ean.
Egitarau osoa erabaki gabe dago, baina gehien bat ikasle ohiak izango dira kontzertuan parte hartuko dutenak. Izan ere, gehienek musika talde desberdinetan jotzen dute, edo musikari lotuta dihardute gaur egun ere.
Eskola, 1992an jaio zen, eta orduan hamalau ikasle baino ez ziren. Ixitsu eta Iñaki Beraza ziren orduko irakasleak. Hurrengo urteetan, arrakasta handia lortu zuen eskolak, izan ere 1995. eta 2000. urteren artean ehundaka ikasle izan ziren trikitixa eta panderoa ikasten.
Hasieratik, Lucas Rey eskolan eman dira klaseak. Gaur egun ere bertan ematen dituzte, astelehenetan eta astearteetan. Azken egunetan, goizez, Kultur Etxean ere dihardute irakasten. Ixitsu Beraza eta ikasle ohia den Andoni Bañales dira oraingo irakasleak. Bi trikitixa dituzte, ikasleak praktikatzeko eta entseatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
