Udalak abuztuaren 12rako antolatu du Nekazarien XVI Lehiaketa Erakusketa, Amurrioko Jaien Programaren barruan.
Bertan parte hartzeko, uztailaren 13ra arte eman ahalko da izena Amurrioko Udaletxean, 12.00etatik 14.00etara (Aitziber).
Lehiaketarako datuak, ustiaketa motari buruzkoak, zein sailetan parte hartuko den eta bestelako datuei buruzko informazioa eman behar da izena ematerakoan. Nekazaritza Lehiaketako parte-hartzaileak lehentasuna izango dute euren esparrua instalatzeko.
Euskal Herriko baserritar guztiak parte hartu dezakete. Zuzeneko ekoizlea izatea beharrezkoa da parte-hartzeko, eta birsalmentak debekatuta daude. Erakusketan edo lehiaketan aurkeztutako gai guztiak baserritar parte-hartzaileren ustiategian hazitakoak izan behar dira. Barazkiak, gazta, txakolina eta aurkezpen onena dira sarituko diren atal guztiak eta 1.080 euro banatuko dira saritan.
Lehiaketako parte-hartzaile guztiek 35 euroko dieta baterako eskubidea izango dute. Era berean, baserritar hauek euskal jantziz jantzita etortzen badira, beste 10 euro emango zaizkie.
Bestetik, erakusketan parte hartuko dutenek kontutan hartu behar dute ondorengo gomedioak. Nahitaezkoa izango da aurkeztutako produktu guztiak landa girokoak izatea, eta lehentasuna izango dute norberak hazi eta landatutakoak. Parte-hartzaile guztiek 10 euroko dieta baterako eskubidea izango dute. Era berean, baserritar hauek euskal jantziz jantzita etortzen badira, beste 5 euro emango zaizkie.