Urtero bezala, Amurrioko Irristailu Klubak ekintza desberdinak antolatu ditu egun osoan zehar Patin Eguna ospatzeko. Txikientzako eta nagusientzako ibilbideak antolatu dituzte, eta arratsaldean Arabako Txakolina dastatzeko aukera izango da.
Egun horretarako egitaraua hau da: goizeko 10:00etan txikientzako ibilbidea hasiko da, zeinek 3 kilometroko zailtasun gabeko bidea egingo dute. Ordu terdi geroago, IV. Patin Eguneko ibilbideari emango zaio hasiera, nagusientzako antolatutako zailtasun ertaineko ibilbidea da hau, hamabi kilometrotakoa.
Hortaz aparte, eguerdiko 13:00etan, Matias Landaburun, irrisketa artistiko erakustaldia egongo da eta arratsaldeko 14:30etarako jaialdia bukatutzat emango da. Arratsaldeko 18:00tan, partaide guztiak Arabako Txakolin xedera gonbidatuta daude, bertan txakolina dastatu ahal izateko.
Apuntatzeko bete behar diren baldintzak
Parte hartzeko, 3€ sartu behar dira Irristailu Klubaren kontuan, ekainak 9 baino lehen. Kontuaren honetan egin behar da diru sarrera: Caja Vital Kutxa 2097 0258 91 0105532820. Bertan parte-hartzaileek izen abizenak zehaztu behar dituzte. Ekainaren 10ean izena emango dutenek, 2€ gehiago ordaindu beharko dituzte.
Kasko eta babesak beharrezkoak izango dira parte hartzeko. Azkenik, parte-hartzaileek egun osoan zehar ordainketaren egiaztagiria norberarekin eraman beharko dute antolatutako ekintza desberdinetan parte hartzeko.