Urteurrena ospatzeko ekintza desberdinak antolatuko dira urtean zehar. Biasterirako txango bat antolatu dute lehenengo ospakizun moduan, apirilaren 14rako, eta festa handia irailerako utziko dute. Ospakizunei buruz gehiago jakin nahi dutenek harremanetan jarri daitezke egoitzara joanez (Etxegoien Kalea, 15 -larunbatetan 16.00etatik 17etara) edo mail bidez (amurrio.eskaut@gmail.com).
Hasiera batean, 24 neska-mutilek eta 8 begiraleek parte hartzen zuten, handik bi urtera berriz, 414 taldekide biltzen zituen. 1984an, San Jose Eskaut taldea, 1978an sortua, lotu zen talde nagusiari.
Felix Murgak sortutako Amurrio Aisia Eskaut Taldea 1977an sortu zen, haurrentzako hezkuntza mugimendu eta denbora librea parrokia zein familiatik at pasatzeko aukera eskaini nahian.
Kanpaldi nagusiak, elkartrukeak, boluntario lanak, gaztetxoentxako lokalak eta abarrak sortzen joan dira urteetan zehar. 2011. urtean Felix Murga sortzailea zendu zen. Zapiaren kolorea, hondo zuria banda berde, eta banda gorriak osatzen dute, Euskal Herriaren koloreak hots.