Bildu Amurriok otsailak 24an publikatutako prentsa oharrean Informazio Batzorde guztien funtzionamenduaren irekiera eta herritarren partaidetza poliki-poliki zabaltzea proposatu du. Diotenez, Alderdi Jeltzaleak proposatutako herritarren partaidetza sustatzeko Zabaltzen proiektuak «bi kontzeptu antagonikoak nahastera eramaten dituela; Udala eta alderdiaren interesak nahastera konkretuki».
Alderdi Jeltzaleak proposatutako Zabaltzen proiektua herritaren proiektu bat ez dela diote, hauteskunde erraminta bat baizik. Bestealde, jeltzaleek 50.000 euroko gastua egingo dute herri partaidetza sustatzeko, horretarako pertsona bat kontratatuz. Honen aurka agertu da Bildu, eta aurrekontuetan zuzenketa proposatu du, «herritarrak espektadoreak izatetik partaide izatera» benetako ahaleginak bilatu behar direlako. «Herria Amurrioren bilakaeraren aktore, eta erabakien protagonista izan behar delako» adierazi dute prentsa oharrean.
Hortaz aparte, Eraberritze Demokratiko deitutako bilerak birritan baino ospatu ez direla kritikatu, eta gainera birritan erabaki bat bera ere ez dela hartu esan dute, izan ere ez da figura berri horren erabakirik hartu ere. Bestealde, Batzar Administratibo eta auzo bilerak tupustak izaten ari direla diote, eta erakunde kultural eta kirol taldeen artean tira-birak ere badaudela kritikatu. Izan ere, EAJ-k proposatutako Zabaltzen programa: «hauteskunde programaren erraminta baino ez dela, eta orain onbideratzeko aukera dutela» salatu dute.
Bestealde, EAJ-k Bilduren jarrera kritikoaren aurka agertu dira. Eder Sánchez zinegotzi jeltzalearen aburuz: «ezin dela herri partaidetzari buruz hitz egin, herri partaidetza zer den jakin gabe», eta beraiek «50.000 euroko inbertsioa egingo dutela horretarako, ustez, hori delako herri partaidetza gestionatzeko duten modua».
Bildu taldeak bere partez, herria herritik bertatik sortzen dela diote, eta «herriak 4 urtetan behin baino gehiagotan parte hartu behar duela» deklaratu dute, «guztion artean politika egiteko modua aldatzeko».