Amurrion, otsailak 2an ospatutako udal gobernu-batzarrean, Landaburu 44. zenbakian dagoen Ibarrola baserriaren eraiketa erabaki da. Zilar-lantegi bezala ezagutzen den eraikina, egoera kaxkarrean eta ordenaziotik kanpo dago. Gainera, errepidearen obretan zailtasun handiak sortarazi ditu; eraikina inguratzen duen espaloia estu zamarra denez ezin da behar den moduan konpondu.
Etxe zahar hau A-625 errepidearen ondoan kokatuta dago, San Jose auzoaren ondoan, eta zilar-lantegia edo Ibarrola baserria bezala ezagutu ohi da Amurrion. Eraikina inguratzen duen espaloia estu zamarra da, eta oinezkoak ezin dira espaloi horretatik pasatu, edo zailtasun haundiak dituzte horretarako. Erabaki honekin, baserria bota eta espaloia, normatiba dioen moduan, berriz eraikiko da, oinezkoek sufritu dezaketen mugikortasun oztopoak deuzestatuz.
Hortaz aparte, eraikinaren lurzorua kutsatuta dago, eta arazo hau kontutan izan beharko dute ere eraitsi momentuan. Urtez, mantenimendu gabe egon da eraikina, eta eraisterakoan lurzoruaren deskutsaketa eta onbideratzea egin beharko dela diote udal adituek.
Amurrioko alkateak, Irabien andreak: “Administrazioaren prozedurak gehienetan luze zamar izaten dira, baina azkenean beren helburura heltzen dira, protokolo eta prozedura guztiak betetzen direnean eraikin hau eraitsi egingo da”, deklaratu egin du laudioirratian.
Bestealde Bildu Amurrio udal taldearen iritziz, eraikinak bestelako arazo batzuk ere baditu: “Eraikinaren lurzorua kutsatuta dago, eta hortaz eraikinaren deskutsaketa eta onbideratzea jo beharko lukete, eta nola eraikinak eraiki-kohefitzientea kontserbatzen du momentu honetan, eraisketa kostu osoa jabeari dagokio, eta ez udalari”, diote.