Amurrioko inauteri programa bihar hasiko da, eta asteartean bukatu. Aurten, asteburu osoan zehar, inauterietako urteko programaz disfrutatu ezik, Erdi Aroko Azokan parte hartu ahal izango da. Izan ere, bihar arratsaldean ireki, eta iganderarte egongo da. Bertan, aktibidade desberdinetaz disfrutatzeko aukera izango dugu. Hortaz aparte, larunbatean, mozorro desfile eta txapelketa ospatu, eta jaialdia asteartean bukatuko da, umetxoentzako inauteri egunarekin.
Aurtengo nobedadea, Erdi Aroko Azoka izango da. Ostiral arratsaldeko 18.00an ireki, eta gaueko hamaikak arte zabalduta egongo da. Bertan, musika, malabaristak, umeentzako ekintzak, artisauntza tailerren erakusketa, kaleko zirkua, eta abarrak egongo dira. Gauean, suarekin malabarrak egingo dituzte.
Larunbatean zein igandean, goizez zein arratsaldez azoka irekita egongo da, goizeko 11.00tan ireki 14.30ak arte, eta arratsaldean 18.00tik 23.00ak arte. Larunbat gauean, suarekin ikuskizunak eta bestelako gau ikuskizunak disfrutatzeko aukera egongo da.
Mozorro lehiaketa
Larunbatean, Mozorro lehiaketa ospatuko da arratsaldeko 19.00etan. Gaueko 20.00ak aldera Diskofesta, eta 21.30tan sariak banatuko dira, enparantzan.
Umetxoak disfrutatzeko aukera izango dute asteartean. Otsailak 21ean, txokolate jana banatuko da arratsaldeko 16.45etan, Pottoka haurrentzako berbenarekin dantza egin ahal izango dute bostak aldera, eta 18.30eta Judas Kakarroaren erreketarekin inauteriak bukatutzat emango dira.