Orozkoko Udalak jaso zuen atzo AENORen Euskadiko egoitzan Energiaren Kudeaketa Sistemen ISO 50001 Ziurtapena. Aitorpen horrek herriak energia modu eraginkorragoan eta iraunkorragoan erabiltzearen alde duen konpromisoa aintzat hartzen du.
2015ean argiteria publikoa LED sistemekin ordezkatu zuten, %40a aurrezteko helburuarekin. Energiaren Kudeaketa Sistemaren aplikazioak energiaren azterketa batekin hasi zen eta horren emaitzak askoz positiboagoak izan ziren.
Hasieran argiteria publikoaren energia kontsumoa 748.330,80 kwh-koa zen eta 147.503 kwh-ra murriztea lortu zuten, hau da, %81,33a aurreztea.
Aldi berean 391 CO2 tona gutxiago jaurti ziren atmosferara. Nabarmentzekoa da ere argi-poluzioa gaur egun %5 baino txikiagoa dela eta lehen %40a baino gehiago.
Orozkoren helburua da etorkizunean ere energia iturrien erabilera eraginkorra egitea, lehiakortasuna hobetzea eta berotegi efektua eragiten duten gasen emisioa murrizten jarraitzea.
Horregatik guztiagatik, epe laburreko helburu moduan zehaztu da Orozkoko argiteria publikoa etiketatzea A kategoriakoa dela dokumentatzeko eta udal areto guztiak kudeaketa sistemaren barruan sartzea hurrengo hilabeteetan.