Ohi bezala, udako aisialdiaz gozatzeko hainbat aukera egongo da aurten ere Orozkon. 3 eta 4 urte bitartekoek Gaztetxokoan izango dute horretarako parada udaleku txikietan.
Horiek uztailaren 2tik 13ra (biak barne) izango dira, astelehenetik ostiralera 11:30etik 13:30era. Izen emateak Induman egin beharko dira ekainean, 946 33 99 45 telefonora deituta edo infoinduma@yahoo.es helbidera posta bidalita.
Udaleku irekiak
Horrez gain, data horietan ere udaleku irekiak izango dira, 9:30etik 13:30erako ordutegian. 5 eta 12 urte arteko gazteei zuzenduta egongo dira, hau da, 2006 eta 2013 urte artean jaiotakoentzat (biak barne).
Horietan izena emateko ere Indumara jo beharko da ekainaren 15a baino lehen. Izen emate orria bete eta ordainketa agiria aurkeztu beharko da inskripzioa ontzat emateko. Erroldatuta dauden pertsonek 30€ ordaindu beharko dituzte eta erroldatuta ez daudenek 40€.
Udaleku txikiak eta irekiak eskainiko dituzte Orozkon eta ekainean izena emateko epea egongo da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide