Azken urteetan Orozkoko Udalak hainbat ekimen abiatu du herritarren parte-hartzea sustatzeko udal kontuetan eta kudeaketan gardentasuna bermatzeko. Politika horiek orain udal ordenantza batean jasoko dira eta, ekoizpen prozesu horretan, herritarren ideia eta ekarpenak kontuan hartuko dira.
Urte hauetan burutu diren ekimenak ugari izan dira: auzoetako batzarrak, Antolinzaleak Jai Batzordea, auzoetako jai batzordeen erregulazioa, euskara arloko batzorde aholkularia -Erdu-, hiri guneak hobetzeko lantaldeak -Zubiaur PlaZara kasu-, Orozko Gaur udal hilabetekaria indartzea edota aurrekontu parte-hartzaileak egitea. Ordenantza honen proiektua Herritarren Parte-hartze Udal Komisioan aurkeztu zen eta apirilean egin ziren Auzoetako batzarretan ere.
Herritarren eta udalaren arteko harremana hobetzeko xedearekin parte-hartze eta gardentasunari dagokion horretan, arau berriak jasoko du nahitaezkoa izango dela prozesu parte-hartzailea burutzea udalak ordenantza berri bat garatzeko asmoa duen bakoitzean.
Horregatik, orain ere Ordenantzan jasotzeko ekarpenak egin edota ideiak plazaratzeko tartea irekiko da. Ekainaren 30era arte egongo da horretarako aukera Orozko Gaur aldizkariarekin batera herriko etxe guztietara bidali den orria beteta -webgunetik ere deskargatu daitekeena- eta udaletxean aurkeztuta. Halaber, e-postaz alkatetza.orozko@bizkaia.org helbidera edo idatzizko beste modu bat baliatuta ere egin daitezke ekarpenak.
Partehartze eta gardentasun ordenantza prestatzeko prozesua hasi du Orozkok
2018ko eka. 4a, 14:56
Udalak herritarren ideia eta ekarpenak jasoko ditu ekainaren 30era arte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide