Kale Antzerki Aroa jaialdiaren 8. edizioa izango da uztailaren 12 eta 19an.
Orozkoko Kale Antzerki Aroa jaialdiaren VIII. edizioa izango da aurtengoa. Horren baitan doako bi hitzordu eskainiko ditu udaleko Kultura Arloak. Uztailaren 12an, ostiralean, 25 urte baino gehiagoko ibilbidea duen Markeliñe taldearen Zoozoom emanaldiaz gozatzeko aukera egongo da, 21:00etatik aurrera Zubiaur plazan. 55 minutuko obra izango da. Familiek emanaldian parte hartu ahalko dute, jirafan, elefantean, karramarroan eta dinosauroan bihurtuta.
Bigarrena 19an izango da. Egun horretan Ganso&Cía konpainiaren Babo Royal obrak xelebrekeriaz beteko du plaza 21:00etatik aurrera. 50m2-ko inperioa aurkeztuko digute, burutik jota dagoen erregearekin eta trobalari bitxi batekin. Lurralde txiki horretan xelebrekeria izango da jaun eta jabe. Familia osoari zuzendutako emanaldia izango da hori ere.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
