Cheikh Souleymane Bella: “Lagundu dezakeenak, osasuntsu dagoenak, egin behar du”

Erabiltzailearen aurpegia
Cheikh Souleymane Bellaren irudi bat.

Boluntario aurkeztu zen bere bizilagunei laguntza eskaintzeko, auzo-laguntza sare bat ere zegoela jakin gabe.

Zerk bultzatu zintuen udalarekin harremanetan jartzeko eta zure laguntza eskaintzeko?

Egin behar dut, herrian bizi bainaiz. Bertan gertatzen diren gauza on eta txar guztiek niri ere eragiten didate. Hori da nire ideia. Laguntzeko prest nago beti. Bizi izan naizen beste herri batzuetan beti aurkeztu naiz boluntario, adibidez, paje izateko. Inor margotzea ez dela beharrezkoa esaten diet. Azken finean, hemengoa naiz, hemen bizi naizelako; ia 20 urte daramatzat eta herrialde honek lagundu dit. Ahal dudana egiten dut etorkizuna hobea izan dadin. Lagundu dezakeenak, osasuntsu dagoenak, egin behar du.

Zeintzuk dira egiten dituzuen lanak?

Erosketak egiteaz arduratzen gara posiblea ez dutenentzat. Eskarien orria eraman, supermerkatutik atera, autoan kargatu eta banaketari ekin egiten diogu. Batez ere, adinekoei laguntzen diegu. Lehenengo solairu batean bizi den emakume bat jaisten saiatzen da beti, janaria hartzeko eta eskerrak emateko. Eskertzen dute egiten duzuna.

Zer nabarmenduko zenuke irakaspen honetatik?

Etorkizunari begira, berriz gerta ez dadin, oso baliagarria da. Lagunduz, pertsona hobea izateko esperientzia irabazten duzu. Etxera itzultzen naizenean, kontzientzia lasai izaten dut beti, gauza on bat egin dudalako eta, gainera, gustatzen zaidalako. Sentimendu horretaz haratago, orain hobeto ezagutzen ditut kaleak, jendearekin erlazionatu naiz eta gauza politak bizi izan ditut. Eskerrak eman nahi dizkiet udalari, bertako gizarte-laguntzaileari eta Gurutze Gorriko arduradunari.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide