Martín Valiente Ainz: “Nolabaiteko beharra zegoela antzeman genuen eta hori asetzen lagundu nahi nuen”

Erabiltzailearen aurpegia
Martín Valiente Ainzen irudi bat.

Hiru dimentsioko inprimagailu baten bidez, 150-200 kareta sortu ditu eskuzabaltasunez Orozkon banatzeko.

Zerk bultzatu zintuen donazio horiek egitera?

Lagun batzuk hasi ziren karetak egiten. Nolabaiteko beharra zegoela antzeman genuen eta hori asetzen lagundu nahi nuen.

Boluntario talde bateko kidea zara beraz?

Ez, baina ezagutzen ditut beste pertsona batzuk materiala euren kabuz egiten ari direnak. Talde horiek, batik bat, Bilbo edo herri handietakoak dira. Hemen ez zegoenez ezer, saiatu nintzen, besteak beste, herriko osasun zentroari eta egoitzari laguntzen.

Nola kudeatzen duzu material horien banaketa?

Hasieran nire anaiaren lagun baten ama arduratzen zen. Galdakaoko ospitalean egiten du lan eta etxera etortzen zen karetak hartzera. Geroago, alkatearen bitartez hasi dira karetak Orozkon banatzen.

Zaila da horrelako materiala etxean eratzea?

Ez, konplexuena inprimagailua ondo ezartzea da, karetak ondo egiteko. Kalibrazio handia behar du. Lehenengo karetak pixka bat txarrago atera ziren, kalitateari dagokionez. Denborarekin, gero eta hobeto ateratzen dira. Prestakuntza behar da.

Diseinuak ere zuk egiten dituzu?

Nik nire diseinuak egiten ditut beste proiektu batzuetarako, baina hau Osakidetzaren eta karetak egiten dituen talde baten artean egin zuten. Diseinu hori librea zen; beraz, hartu nuen.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide