Gaur ireki dituzte Orozkoko igerilekuak

Erabiltzailearen aurpegia
Uneoro kontrolatuko dute aforoa. / Aiaraldea.eus

Herritarrek erraz kontsultatu ahal izango dute igerilekuetako plaza libreak. Hau da, aldez aurretik jakingo dute instalazioetara sar daitezkeen ala ez.

Orozkoko Udalak automatikoki kudeatuko ditu aurten igerilekuen okupazio-mailak, kiroldegiaren sarreran dagoen pertsonak zenbatzeko sistema baten bidez eta ikuspen artifizialeko teknologian oinarrituta. Udal igerilekuek ekainaren 22an, astelehenean, irekiko dituzte ateak.

Osasun-krisiaren ondorioz ezarritako higiene eta distantzia sozialeko neurriak betetzen direla bermatzea da helburua, orozkoarren osasuna eta osotasuna babestu ahal izateko tokiko aisialdiaz gozatzen duten bitartean.

Teknologia horrek bildutako datuak BiscayTIKek ere garatutako 'Orozko Zainduz' aplikazio osagarrian irauliko dira, eta gailu mugikorretan zein ordenagailuetan izango dira ikusgai.

Horrela, herritarrek erraz kontsultatu ahal izango dute igerilekuetako plaza libreak. Hau da, aldez aurretik jakingo dute instalazioetara sar daitezkeen ala ez. Informazioa denbora errealean eskuratzea arinduko du app-ak.

Zehazki, edukieraren ehunekoak emango ditu app-ak, Orozkoko udal igerilekuen neurrien arabera.

Arauak eta gomendioak

Orozkoko Udalak hainbat gomendio eta arau zehaztu ditu segurtasuna bermatzeko
helburuarekin. Besteak beste, gehienezko aforoa 315 pertsonakoa da eta aldageletan gehienez 10 pertsona egon daitezke batera. Barruko dutxak ezin izango dira erabili.

Bestetik, 12 urte baino gutxiagoko umeek pertsona helduekin batera joan behar dute eta herritarrek ezin izango dute aulki tolesgarriak instalazioan bertan utzi, ezta uretara segurtasunerako edo bainurako ez diren elementuak sartu ere.

Gomendioei dagokienez, instalaziora ahalik eta tramankulu gutxien ekartzea, beste pertsonekiko segurtasun tartea mantentzea, higienea zaintzea eta eskuak maiz garbitzea eskatzen da. Gehienez 3 orduko egonaldia gomendatzen da, orozkoar guztiek igerilekuez goza dezaten.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide