Gaztetxokoak antolatutako tailerrak hasiko dira gaur, segurtasun-neurri guztiak hartuta

Erabiltzailearen aurpegia

Uztailean zehar hainbat haurrentzako tailer egingo dira Orozkon, Gaztetxokoaren eskutik. Astelehenetik ostiralera eskainiko dira, 11:00etatik 13:00etara, Gaztetxokoaren aurreko pergolan. Euria egingo balu, bertan behera geratuko lirateke aurreikusitako ekintzak.

Egungo COVID-19 pandemia dela eta, beharrezko prebentzio-neurriak hartu dira. Umeen arteko segurtasun-distantzia mantentzeko, adibidez, markak margotu dira lurrean.

Tailerretara heldu bezain laster, tenperatura neurtuko zaie haurrei eta begiraleek gurasoei galdetuko diete ea harremanetan egon diren koronabirusa izandako norbaitekin. Horrekin batera, segurtasunarekin lortutako ohar batzuk jasoko dituzte familiek.

Plazak mugatuak izango dira eta egunero 8 umek parte hartuko dute eskulanetan. Hala ere, etxe bereko neba-arrebek plaza bakarra beteko dute, nahiz eta adin ezberdinetakoak izan.

Erabiliko duten materiala ume bakoitzaren mahaian egongo da. Ekintzak hasi baino lehen, eskuak eta eskumuturrak garbituko dituzte gel desinfektatzailearekin. Behin eserita daudenean, maskara kendu ahal izango dute, euren artean segurtasun-distantzia izango baita.

Gunean sartzeko zein ateratzeko, banan banan joango dira haurrak. Aurreikusita dago saio bakoitzak 2 ordu irautea.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide