Orozkok “Uda Beldur Barik” kanpainarekin bat egiten du, gazteak eraso sexisten aurka sentsibilizatzeko asmoz

Erabiltzailearen aurpegia

Aurtengo uda berezi honetan eraso sexisten kontrako ekintzak aurrera eraman nahi ditugu, topera, aske bizi eta sentitzea merezi dugulako.

Jakin badakigu lan hau guztiona dela, gure egunerokotasunean indarkeria sexista oraindik gogor jotzen duela eta eraso sexistak prebenitzea herritarren kezka da, oro har, eta, jakina, baita gazteon erantzukizuna ere. Erasoak prebenitzea, antzematea eta aurre egitea guztion esku dago.

Horregatik, berdintasunean eta autonomian oinarritutako jarrerak sustatzeko, Orozkon kanpainako kartelak eskegiko dira, udal webgunean Eraso Sexisten Kontrako Gida aurkitu ahal duzue eta etxean Udalak egindako triptikoa jasoko duzue. Azken honetan honako informazioa izango duzue: erasoak zer diren, eraso baten aurrean zer egin, lekuko bazara zer egin, leku seguruak zelan eraiki, etab.

Informazio gehiago: https://www.beldurbarik.eus/eu/beldur-barik-uda-2020/

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide