Hiri Antolamenduko Plan Orokorra berrikusten ari da Orozkoko Udala. Hirigintza-ereduak herritarren eguneroko bizitza baldintzatzen baldintzatzen duenez -bizitzeko moduarekin, etxebizitzarekin, espazio publikoarekin, mugikortasunarekin, ekipamenduekin eta inbertsioetako lehentasunekin lotuta baitago, besteak beste-, plan horren berrikuspenean orozkoarren ekarpenak funtsezkoak dira. Helburua da etorkizuneko planean ahalik eta kolektibo gehienen ikuspegia txertatzea.
Tailer parte-hartzailea
Genero-ikuspegiari dagokionez, tailer parte-hartzaile bat deitu du Orozkoko Udalaren Berdintasun Sailak, plan hori hobetzeko proposamenak jasotzeko helburuarekin. Urriaren 22an izango da, 17:30etik 19:30era, Kultur Etxean.
COVID-19aren aurkako neurriak direla eta ezin bada aurrez aurre egin, saioan parte hartzeko bide telematiko batzuk aurreikusi dituzte, esaterako, galdetegi birtualak eta posta elektronikoa.
Iritzi-bilketa horrek hainbat fasetatik igaro den prozesu parte-hartzailea osatuko du. Izan ere, udal teknikariek zein politikariek genero ikuspegiarekin lotutako prestakuntza espezializatua jaso dute, eta elkarrizketa sakonak egin zaizkie udalerriko bost emakumeri.
Diagnostikoaren emaitzak hainbat euskarriren bidez zabalduko dira, hala nola, kaleko panelen eta triptikoen bitartez.