Bizkaiko Foru Aldundiak eta Nerbioi-Ibaizabaleko udalerrietako gazteria-sailek, Elhuyarrekin elkarlanean, 10 zientzia- eta teknologia-tailer antolatu dituzte. Arrigorriaga, Basauri, Etxebarri, Galdakao, Orozko, Ugao-Miraballes eta Zeberioko gazteguneetan eta Urduñako Alondegia Gizarte-etxean eskainiko dituzte tailerrak gaian espezializatutako ikertzaileek. Gainera, onlineko bi tailer ere eskainiko dira eskualde osorako.
Orozkoren kasuan, CSI tailerra eskainiko da aurrez aurre, otsailaren 27tik martxoaren 27ra arte 18:00etatik 20:00etara. Izena emateko, infoinduma@yahoo.es helbidera idatzi beharra dago.
COVID-19aren pandemiaren kontrako neurriek ahalbidetzen badute, tailerren azken saioan eskualdeko enpresa bat bisitatuko dute gazteek. Horri esker, aukera izango dute eskualdeko lan-jarduera gertutik ikusteko eta zientzia- eta teknologia- arloetan diharduten profesionalak ezagutzeko. Era berean, enpresa horietan lan egiten duten emakume profesionalen jarduna ezagutzera emateko asmoz, hainbat horma-irudi egingo dira, eta herrietako gazteguneetan, udal-guneetan edota sare sozialetan zabalduko dira.
Hauek dira Nerbioi-Ibaizabaleko gazteguneetan eta online eskainiko diren tailerrak:
- CSI tailerra: misteriozko istorio bat argituko dugu bakterioei eta genetikari lotutako esperimentuak eginez.
- Sukalde-zientzia: zientzia erabiliz, sukaldean arituko gara.
- Kriptografia eta kode sekretuak: kriptografia eta kode sekretuen teknikak ikasiko ditugu, eta escape room bat eraikiko dugu.
- Steam Challenge: denetariko zientzia- eta teknologia-esperimentu eta -ekintzak egingo ditugu.
- Onlineko tailerrak:
- Sukalde-zientzia: zientzia erabiliz, zuzeneko onlineko saioen bidez, sukaldean arituko gara.
- Steam Challenge: denetariko zientzia- eta teknologia-esperimentu eta -ekintzak egingo ditugu.
Izen-emateak
Tailerrak doan izango dira, eta gune bakoitzaren COVID protokoloak zehaztuko du parte hartzeko toki-kopuruaren muga.
Tailer hauek 2007 eta 2009 urteen artean jaiotako gazteei zuzenduta daude.
Steam challenge tailerretarako izen-ematea Urduñako Alhondiga Gizarte Etxean edo www.urduna.com webgunean egingo da.
Online tailerren kasuan, izena emateko inprimakia bete beharko da, eta hemen argitaratuko da: https://www.nerbioiibaizabalgaztedi.eus/ edo https://bizilabe.elhuyar.eus/eu/nerbioi-ibaizabal
Izena emateko epea 2021eko martxoaren 18an amaituko da.
Tailerrak
Orozko
- CSI tailerra: otsailaren 27tik martxoaren 27ra, 18:00etatik 20:00ak arte. IZEN-EMATEA: : infoinduma@yahoo.es
- ONLINE - Sukalde-zientzia: Aste Santu ostean IZEN-EMATEA: Webguneko formularioaren bidez
- ONLINE - Steam Challenge Aste Santu ostean IZEN-EMATEA: Webguneko formularioaren bidez
* ONLINE tailerren datak aurrerago jakinaraziko dira udal iragarki-oholetan, sare sozialetan eta Bizilabe eta Nerbioi-Ibaizabal Gaztediren webguneetan.
Informazio gehiago nahi izanez gero:
946 33 99 45 (Zaloa Rotaetxe García) - nerbioiibaizabalempleo@gmail.com
https://www.nerbioiibaizabalgaztedi.eus/
https://bizilabe.elhuyar.eus/eu/nerbioi-ibaizabal