Nerbioi-Ibaizabaleko saneamendu- eta arazketa-lanak apirilean abiatu ziren Orozkon. Bi kolektore-sare berri eraikitzea da proposamena, bata Nerbioi ibaiarentzat eta bestea Altube ibaiadarrarentzat. Biek hondakin-urak eramango dituzte araztegietara, hau da, Markijanara eta Basaurbera, hurrenez hurren.
Instalazio horiek Amurrio, Aiara, Laudio eta Orozko udalerriei emango diete zerbitzua. 1. loteko obren barruan, Amurrioko eta Aiarako hiri- eta industria-isurketetarako saneamendu-kolektoreak egingo dira. 2. loteko obrei dagokienez, aldiz, Orozkoko eta Laudioko hiri- eta industria-isurketen saneamendu-kolektoreak instalatuko dira.
Orozkon, zehazki, sei zatitan banatuko da exekuzioa:
1. Hegoaldetik Zubiaurreko zubiraino (tarte hori hasita dago eta 2 hilabeteko iraupena izango du, gutxi gorabehera).
2. Artiachetik Torlanderainoko tartea (hori ere abiatu da).
3. Katea auzotik Burrullagara arteko tartea.
4. Industrialdetik Atxondoraino.
5. Torrezar industrialdea.
6. Kantarranatik Presatxuraino.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
