2021eko Orozko Klik lehiaketaren oinarriak argitaratu ditu Kultura Arloak

Erabiltzailearen aurpegia

Irailaren 17a izango da aurtengo Orozko Klik lehiaketan parte hartzeko azken eguna. Txapelketaren 2. edizioan, Orozkon erroldaturik dauden 14 urtetik gorako pertsona fisiko edo juridiko guztiek har dezakete parte. Parte-hartzaile bakoitzak herriarekin zerikusia duen 6 argazkiren bilduma aurkeztu beharko du.

Parte hartzeko, infoinduma@yahoo.es posta elektronikora bidali behar dira argazkiak, -OROZKO KLIK 2021- izeneko gaiarekin eta lehiaketaren oinarrietan jasotzen den formatuarekin.

Argazkigintzan aditua diren pertsonez osatutako epaimahaiak irailaren 20tik 30era bitarteko astean baloratuko ditu bildumak, eta azaroaren 5ean argitaratuko da emaitza udal webgunean.

Honako sariak banatuko dira:

A/ 6 argazkiren bilduma onenarentzako: 300 €
B/ Bigarren sailkatuarentzat: 200€
C/ Hirugarren sailkatuarentzat: 100€

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide