HAPO berriak euskaran izango duen eraginaren azterketa

Erabiltzailearen aurpegia

Orozkoko Hiri-Antolamenduko Plan Orokorraren (HAPO) aurrerakinak izan dezakeen hizkuntza-inpaktuaren ebaluazioa gauzatu da, hau da, irismen-dokumentu honek egoera soziolinguistikoan izan dezakeen eragina aztertu da. Horretarako, jarraipen batzordea osatu da eta Anartz Ormaza arkitekto eta Eragin Linguistikoaren Ebaluzioan adituak gidatu du.

HAPOan aurreikusten diren etxebizitza kopuruaren arabera, 1.531 biztanle berri izango ditu Orozkok, biztanleriaren %64ko igoera suposatuko lukeena. Hori aintzat hartuta, euskararen proiekzio eta bilakaera indizeak kalkulatu dira, besteak beste.

2016ko datuen arabera, orozkoarren %61,55 da euskalduna eta azken urteetan proportzioak %2,2 behera egin du.

Azterketa honen arabera, etxebizitzen eta populazioaren goranzko joera dela eta, Orozkoko euskaldunen portzentaia %61,55 izatetik %50,68 izatera igaroko litzateke. Eragin handia izango du euskararen gaitasunaren edo ezagutzaren gainean; erabileraren gaineko intentsitatean, ordea, ertaina izango da. Azkenik, ez da aldaketa nabarmenik aurreikusi herriko euskarazko zerbitzuen eskaintzan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide