Auzoetako batzarren udazkeneko errondaren balantzea

Erabiltzailearen aurpegia

Hilaren 21etik 30era bitartean Auzoetako Batzarren udazkeneko erronda egin da. Bizilagunen kezkarik handienak saneamendu-lanen atzerapenak eragindako eragozpenak izan dira eta, bereziki Muruetan, banda zabalaren hedapena ere bai. Izan ere, herritar batzuek isolatuta sentitzen dute beren auzoa, Interneterako konexio egokirik ez dutelako.

Era berean, egiten ari den bideen inbentarioaren berri eman da, auzoetan bereziki garrantzitsua den gaia, baita Larragorrin parke eoliko bat eraikitzeko proposamena ere. Bereziki delikatua izan den beste gaiak otsoaren erasoak eta ehiza-espezie izatetik babestutako espezie izatera igarotzeko arau-aldaketa izan dira; horren inguruan, abeltzainen kolektiboa kezkatuta agertu da.

HAPOren berri ere eman da, laster onartuko baita dokumentuaren aurrerapena. Une horretan, Orozkoko pertsona orok kontsultatu ahal izango du espedientea, eta gutxienez bi hilabete izango ditu ekarpenak aurkezteko. Udal hirigintza-plangintza eguneratzeko beste urrats bat da.

Azkenik, Auzozainak programa iragarri da. Programa horren bidez, herritarren laguntza eskatzen da, bakarrik bizi diren adinekoei arreta emateko. Adineko pertsonaren bat hainbat egunetan ikusi ezean, udalari abisua ematea eskatzen da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide