Indarkeria Matxistaren aurkako Nazioarteko Eguna aldarrikatuko du beste behin ere Orozkok

Erabiltzailearen aurpegia

Ekintza askotariko egitaraua antolatu dute Orozkon Azaroaren 25a, Indarkeria Matxistaren aurkako Nazioarteko Eguna, aldarrikatzeko.

Hainbat jardueretan parte hartu ahalko dute orozkoarrek Azaroaren 25a, Indarkeria Matxistaren aurkako Nazioarteko Eguna, aldarrikatzeko. Hilaren 13an, adibidez, Eskualdeko Berdintasun Topaketa gauzatuko da Amurrioko Reforrean, 10:00etan. Bertan, erreparazioa landuko dute.

Orozkoko egitarauari dagokionez, azaroaren 14an, Emakume Master Cup txapelketaren kanporaketak jokatuko dira goizez herriko frontoian. Finala hurrengo jokalariek jokatuko dute: Udane Iturbek eta Miriam Arrillagak osatutako bikoetak Naroa Saezen eta Maider Mendizabalen aurka. 3. eta 4. postuei dagokienez, Aroa Torresen eta Leire Etxanizen kontra lehiatuko dira Uxue Agirresarobe eta Irati Saez.

Haur eta gazteentzako ekintzak ere antolatuko dira. Azaroaren 16an, “Ama, kontaidazu berriro” ipuin-kontaketa eskainiko da, 17:30ean, liburutegian. Gainera, 2021eko Beldur Barik Aiaraldea lehiaketaren sari banaketa azaroaren 19an izango da, 17:00etan Arespalditzan.

Bestalde, hilaren 17tik 25era, Indarkeria Matxistaren aurkako pankarta eskegiko da udaletxean. Horrez gain, eskuzapien banaketa egingo da eta “Puntu Lila” jartzeko proposamena luzatuko du Udalaren Berdintasun Arloak.

Azaroaren 25ean, Emakumeen Kontrako Indarkeriaren Aurkako Nazioarteko Egunean, elkarretaratzea egingo da beste behin ere, 19:00etatik aurrera Zubiaur Plazan.

Amaitzeko, autodefentsa feminista tailerra eskainiko du hilaren 27an Maitena Monroyk. Kultur Etxean izango da, 10:00etatik 14:00etara eta 15:00etatik 19:00etara. Egun horretan, antzezlana ere eskainiko da, 19:00etan, Donibane Aretoan: “Amama mia”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide