Orozkoko Film Laburren VI. Lehiaketa abiatu da

Erabiltzailearen aurpegia

Supelaur Kultur Elkarteak Film Laburren Lehiaketaren VI. edizioa antolatu du Orozkoko Udalaren laguntzarekin. Lanak bidaltzeko epea azaroaren 26an amaituko da.

Film laburren lehiaketan parte hartzeko, supelaur.kt@gmail.com helbidera bideoak bidali beharko dituzte parte-hartzaileek. Gehienez, 10 minutuko iraupena edukiko dute lanek, eta euskaraz edo azpititulatuak izan beharko dira.

Laburmetrai onenak 250€ euroko saria jasoko du eta beste 250€ banatuko zaizkio publikoak bozkatutako film labur onenari.

Ikus-entzunezko rallya

Bestalde, abenduaren 3 eta 4an, rallya egingo dute. Talde parte-hartzaileek abenduaren 3an eman beharko dute izena, 17:00etan Supelaur Kultur Elkartean. Hurrengo eguneko 17:00ak arte izango dute lanak grabatu, muntatu eta aurkezteko.

Kasu honetan, gehienez 3 minutuko lanak izango dira, berriz ere euskaraz filmatuta edota azpititulatuta. Sariari dagokionez, 250€ euroko ordainsaria jasoko du irabazleak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide