Abenduaren 11n, larunbatean, Santa Luzia azoka ospatuko da Orozkon beste behin ere. COVID-19a dela eta, aurten ere ez da Terreñako behi lehiaketarik egongo Orozkon eta gainerako jardueretan beharrezko prebentzio-neurriak bermatuko dira. Hala ere, iaz bertan behera utzitako zenbait ekintza berrartuko dira.
Tokiko elikagaien eta artisautza produktuen azoka 10:00etatik 14:00ak arte izango da. Bisita gidatuak egingo dira orduero, 10:00etan, 11:00etan, 12:00etan eta 13:00etan, eta Museoak 6 eta 12 urte bitarteko haurrentzako tailerra eskainiko du. Ekintza horietan, plaza mugatuak ezarri dira, beraz, izena eman beharko da aldez aurretik Museoan.
Bestalde, 11:00etatik 14:00ak arte, egurrezko jolasak antolatuko ditu Kalakak Zubiaur Plazan eta, azokak iraun bitartean, saskigintza erakusketa ikusteko aukera egongo da artisautza-postuen gunean.
Merkatuan gastatutako 30€ bakoitzeko, bertoko produktuez osatutako oparia jasoko dute herritarrek, izakinak agortu arte. Gainera, azokan erositako pertsona guztiek hainbat produktu-loteren zozketan parte hartuko dute. Zozketa 14:00etan egingo da.
Ekintza gehiago museoan
Azokarekin bat eginez, beste bi ekintza eskainiko dira Orozkoko Museo Etnografikoan.
Alde batetik, 'Si tú me dices beee, lo ovejo todo. Nire bikotea artzaina da!' erakusketaz gozatzeko aukera egongo da abenduaren 10tik 26ra, Mutur Beltz proiektutik antolatuta.
Bestetik, gai horri buruzko hitzaldia ere egongo da: "Repensar el caserío desde la experiencia creativa: Mutur Beltz". Kasu honetan, abenduaren 10ean izango da, 18:30ean.