Urtarriletik aurrera indarrean jarriko da Kirol Txartela Orozkoko kiroldegian

Erabiltzailearen aurpegia Orozkoko Udala 2021eko abenduaren 21a

2022ko urtarriletik aurrera, Orozkon erroldatutako pertsonek Kirol Txartela erabili ahal izango dute. Txartel birtual horren bidez, ekimenera batu diren gainerako herrietako kirol-instalazioetara sartzeko aukera izango dute. Besteak beste, Amurrio, Laudio, Ugao-Miraballes, Arrigorriaga, Basauri eta Bilbo daude egitasmo honen barruan.

Doako zerbitzua izango da Orozkoko kiroldegiko erabiltzaileentzat. Interneterako konexioa duen gailu mugikor bat baino ez da behar eta, baldin ez badute, herritarrek kirol-txartela eta NANa aurkeztu ahal izango dituzte.

Nabarmentzekoa da instalazio batzuek Kirol Txartelaren bidez sartzeko ordutegia mugatzen dutela, jende pilaketak saihesteko. Jarduera bakoitzerako erabilera-ordutegiak eskaintzen ditu aplikazioak.

Informazio gehiago nahi izanez gero, kiroldegiko telefonora (946 33 96 16) deitzeko aukera dago.

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide