Laster ekingo dio Antolinzaleak Jai Batzordeak 2023 Sanantolinak antolatzeari. Abenduaren 26ko deitutako urte amaierako azken bileran, 2022ko herriko jaien balantzea aurkeztu zuten. Guztira, 142.600,15 euro gastatu ditu Orozkoko Udalak pandemiaren osteko lehenengo jaietan. Gauetako musika emanaldietan, esaterako, 37.648 euro bideratu zituen abuztuaren 31tik irailaren 4ra bitartean. 2022ko sanantolinetan, Akerbeltz erromeria, The Cherry Boppers, Akatz, Oihan Vega, Boikot, Dj Markelin eta Trikidantz erromeria igo ziren eszenatokira, besteak beste. Bestetik, buruhandietan, trikitixa- eta bertso-kalejiretan, dantzarietan zein txistularietan, fanfarrian eta txarangan 6.897,79 euro gastatu zituzten. Jaietako jatorduei dagokienez, hiru bazkariek -erretiratuenak, umeenak eta herri bazkariak- 15.504,09 euroko gastua ekarri zuten, eta 6.942 euroko irabazia. Zekorketak antolatzeko eta gauzatzeko, guztira, 33.275,00 euro bideratu zituen Udalak; besteak beste, toreroak, albaitariak eta medikuak kontratatzeko, aseguruak ordaintzeko eta zezen plaza baliatzeko. Bukatzeko, 5.382,05 euro izan ziren orotara bestelako gastuak, hala nola inprenta gastuak, publizitatea eta ogasun zergak.
131.158,15 eurokoa izan da 2022ko Sanantolinen balantzea
2023ko urt. 17a, 07:00
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide