The Mighty Mocambos
Hogeitik gora 7"ko binilo diska argitaratu ondoren, The Mighty Mocambos taldeak (Hamburg-Germany) bere bigarren iraupen luzeko diska atera berri du. Lanak THE FUTURE IS HERE izenburua du eta estilo eta esparru berriak miatzen dituzte bertan. Talde instrumentala da baina betidanik abeslari hoberenak bereganatu ditu. Bere lehenengo diskan eta Europako biran Gizzele Smith izan zen abeslari nagusia baina honetan Afrika Bambaataa eta Charlie Funk bezalako hip-hop-eko mitoak, Caroline Lacaze abeslari frantziarra edo Su Kramer alemaniarra bezalako beste mitoekin egin dute topo.
Metala eta perkusionista pila bat gehituz, hirurogeita hamarreko hamarkadako afro-latin-funk doinua erdietsi dute baina egungo kutsuarekin, Def Stef ekoizle laguntzari esker.
Bere lehenego diskan kaleratutako reggae nahasketa batekin utziko zaituztet.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
