Kongo ibaiaren hegoaldean bizi den txinpantze mota da, Afrika erdialdean. “Bonoboa izan nahi dut” entzuten da kaletik, euren harreman sexualengatik. Baina beste ezaugarri interesgarriak ere badituzte. Ugaztun asko ez bezala, hierarkiarik gabeko komunitatean bizi den espeziea da. Bertan ez da maila soziala edo sexua kontuan hartzen. Kooperazioa bereizgarri dute, komunitatearen onurarako lan egin eta laguntzeko beti prest. Talde tolerantea, askea, liskar gutxikoa, propietate pribaturik gabekoa, kolektiboa du oinarri... Tentsioak eta egoera zailak modu lasaian konpontzen dituzte musu, besarkada eta harreman sexualen bidez. Horiei aurre egiteko funtzioa dute harreman sexualek.
Taldeko edozein kiderekin praktikatzen da adina, hierarkia edo sexua kontuan hartu gabe. Ugalketa ez da helburu bakarra; are gehiago, oso urria da. Komunitatea matriarkal definitzen dute, emeak elkarrekin egoten dira senidetasun egituratuetan, talde handiak eta koalizioak sortzen dituzte, elkarri lagunduz. Har batek eme batekin modu bortitzean jokatzen badu, gainerako emeak defendatzera joango dira. Harren dominazioaren kontra estu batuta daude, emeen arteko sareak oso indartsuak izanik.
Orain bai, bonoboa izan nahi?