Hiesa GIBak, Giza Immuno- eskasiaren Birusa, sorturiko infekzioa da. Horren ondorioz, sistema immunologikoa hondatzen da. Hortaz, gorputza gaixotasunen aurrean defentsa gabe uzten du. Zelularen kode genetikoan ugaltzen denean pertsona hori GIBduna da, hau da, zeropositiboa.
Atzera eginez gero, ihesari atxikitutako lehenengo izena homosexualen minbizia edo minbizi arrosa izan zela konturatuko gara. Ederki orduan lasai asko geratuko naiz. Besteen kontua = homosexualen kontua! Egundoko estigmatizazioa duen gaixotasuna da. Proba egin, hiesa aipatu eta berehala estigma sozialarekin egingo duzu topo, eta ondorioz, estigma propioarekin ere bai. Komun publiko batean transmititu daitekeela pentsatzen duen jendartearen zati handi bat, GIBdun pertsonekin harremana saihestuko luketen norbanakoak, GIBdun ume batekin gure seme- alabak eskolaratzea? Beraz, GIBdunen estigma propioaren sorrerarekin egingo duzu topo, atzamarrarekin seinalatuak ez izateko eta horrek ekarriko lukeen bazterketa ekiditeko, gaixotasuna ez onartzea. Estigmatizatuz, euren burua bigarren mailako bizilagun izendatuz. Horrek guztiak beldurra dakar. Eta beldurrak estigma. Baina egiatan besteen kontua da? Edo gu guztion kontua?