Irailak 19 Larunbata. Amurrio. Oscar Muñoz.
Txapelketaren laugarren edizioa antolatu zuen atzo Aiara Basket amurrioar klubak. Hantxe Sugarrak Laudio A talde laudioarra, Bedarbide talde urduñarra, Coybi Suministros talde gasteiztarra eta antolatzailea Aiara basket talde amurriarra lehiatu ziren. Txapelketa hasi baino lehen, hiruko jaurtiketen lehiaketa bat egin zen, talde bakoitzeko bi jokalari lehiatu ziren 15 hiruko jaurtitzen 5 posizio ezberdinetan. Garailea Sugarrak laudioko Mikel Tudanka izan zen.
Hirukoen txapelketa ondoren, saskibaloi txapelketa hasi zen. Arau berezi batzuk egon zire. Izan ere, 15 minutuko bi zati jolastuko zuten partiduko, eta jokalari bakoitzak 4. falta egiterakoan kaleratuta egongo zen.
Hiruko txapelketaren ondoren hasi ziren partidak. Sugarrak laudio – Coybi Suministros-en aurka, eta Bedarbide – Aiala Basket-en aurka.
Lehenengo partidan Coybi Suministros talde gasteiztarra izan zen garaile 53-35. Sugarrak laudio ondo hasi zuen partida baina gasteiztarrak hiruko marratik ehuneko oso on bat erakutsita partidaren menpe egin zen.
Beste partidan, berdintasuna nagusi partida osoan. Atsedenaldian berdinketa markagailuan. Eta partida bukatzear zegoenean, Bedarbide taldeko Iker di santok bi hirukoren bidez partida bereganatu zuten Urduñarrek 37-33.
Gauzak horrela Txapelketako finala Urduñako Bedarbidek eta Gasteizko Coybi Suministros Jokatu zuten. Aldiz, 3. eta 4. postua Sugarrak Laudio eta Aiara basket jokatuko zuten.
3. eta 4. postuko partidan Sugarrak Laudio irabazle. Partiduaren lehenengo zatian Sugarrak markagailuan 8 puntuko abantaila lortu zuen. Baina, bigarren zatian eta hirukoen bidez Aiala basket partidan berriz sartu zen, 2 puntura jarri ziren 3 minuturen faltan. Baina azkenengo bi minutuak Sugarrak izan zen maisu. Partida 38-34 bukatu zen
Finala aldiz, historia gutxi izan zuen, hasieratik Bedarbidek aurretik markagailuan jarri zen eta inoiz ez zuen abantaila galdu. Gasteizko taldeak ez zuen hiruko marratik aurreko partidan bezala asmatzen eta horrek Urduñako taldeari kontraeraso azkarrez saskiratzea uzten zion. Xabi San Roman Urduñarrak 24 punturekin izan zen partiduko jokalaririk onena.