Madril

Erabiltzailearen aurpegia

Madrilera joan zait aste honetan lagun mina. Apartako argazkilaria da, kazetaritzan murgildutakoa, eta oso lan eskaintza interesgarria jaso du bertan. Ez da Madrilen daukadan lagun bakarra.

Beste laudioar askok Espainiako hiribururantz jo dute. Herria uztea eta hiriburu batera joatea lan egiteko ez da kontu berria. Beraz, ez diot sumatzen, aldez aurretik, tarte txarrarik. Norberak bila dezala nahi duen tokian bere etorkizuna.

Aldiz, geure eskualdearen egoerak kezkatzen nau. Hainbat eta hainbat lanbide jorratzeko kanpora joan behar dugu. Eta eskerrak Bilbotik gertu gauden. Daukagun langabeziaren ehunekoa jasan ezina suertatzen zait.

Ez dago mugimendurik eta lan-gatazkak ugaritu egin dira: lantegien ixtea, EEEak han eta hemen, merkataritza eta ostalaritzaren ahulezia… Eta, kultura arloan, are okerragoa da panorama.

Baliteke nik nire lagunaren joatearekin ezkorregia egotea, baina egoera kezkatzeko modukoa delakoan nago. Jendea ez dadila Laudio-Madril trenean joan hemen aukerarik ez dagoelako. Negu gorri hauek. Horrelako trenak gehiegietan ikusi baititugu iraganean.

Etorkizunean lana, ideien sustapena, erabaki ausartak eta zenbait aldaketa estrukturalak ikusi nahi nituzke talentua nasetatik ez irteteko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide