Rap musika euskaraz bultzatzeko asmoz, Info 7 irratiak Rap Herria diska plazaratu du euskal talde ezberdinak elkartuta. 17 talde dira guztira eta bertan Euskal Herrian famatu egin diren rap talde desberdinak daude, MAK, Norte Apache, Indarrap eta Bad Sound System, besteak beste. Horrez gaien taldeen arteko kolaborazioak aurki ditzakegu adibide entzungai den abestia dugularik.
Orain gutxi arte Ipar Euskal Herrian gehiago entzuten zen rap musika Hego Euskal Herrian baino imigrazioa zela medio, baina azkenaldian Euskal Herri osoan hedatu den musika dela esan daiteke. Orain dela gutxi sortutako rap talde asko dago eta talde hauek zabaldu nahian sortutako diska dugu Rap Herria. Musika estilo askoren moduan mezua zabaltzeko erabil daiteke rap-a, norberaren zein herriaren kezkak zabaltzeko eta jendearen harrera ikusita pixkanaka indarra hartzen doan estiloa da eta nork daki, agian urte batzuk barru oso famatuak izango diren taldeak ikus daitezke gaur egun Euskal Herriko edozein txokotan.
Diskari dagokionez 6 taldek abesti berriak sortu dituzte diskan ager daitezen. 7 herrialdetako taldeak daude, fama asko dutenak eta baita hasiberriak direnak beraz norberak erabaki dezala zer iruditzen zaion. Niri behintzat asko gustatu zaizkit abesti gehienak. Beste bat arte lagunok!