Bueltan naiz, eta ni bezala lan berri batekin bueltan dira Leihotikan taldeko mutiko nafarrak. Pasa den urtean diska berri bat argitaratu zuten haien 25 kanta onenetarikoekin. Bertan aurki ditzakegu aurreko 4 cd edota maketetan aurki daitezken abestiak eta baita hainbat kolaborazioetan aurkitzen diren haien abestiak.
Oroimenak erretzen diska hau haien 18 urteetako oroimen hutsa besterik ez da. Bertan dira 'Ikusi mendizaleak' talde herrikoiaren bertsio famatua eta 'Asteburu guztietan' eta 'Punk-rock' bezalako abesti martxosoak. 25 abesti sartu dituzte, jarraitzaleek bozkatutako abestiak e-mail bidez, hain famatuak ez diren kantu batzuk eta baita bitxikeria batzuk ere. Gainera beste hamaika abesti oso on dituzte baina ezin izan dituzte bertan sartu, haien diskografia oso zabala baita. Orora bi maketa dituzte, hainbat disketan kolabrazioak eta diska honen aurretik 4 lan propio dituzte lehen esan bezala ('Hemen ez da ezer aldatzen', 'Lur', 'Munduaren lehioa' eta 'Ilunago, ederrago').
Musika aldetik punk-hardcore melodikoa egiten dute eta haiekin bat letra interesgarri eta burutsuak. Bertan instrumentazio handia duten abestiak aurkitzen dira, batez ere haien azken diskakoak erritmo oso azkarrekin. Iruñean fama handia duen taldea dugu eta Euskal Herrian pisu handia hartu duena, edozein taberna edota gaztetxetan entzun daitekena. Hitz batez, paregabeak!