Siroka 2009. urtean jaiotako musika taldea dugu eta talde ezberdinetan egondako musikariek osatzen dute, besteak beste, Apurka, Feos Pero Majos edota Kloratita . Hauek Maria (ahotsa), Pepo (baxua), Gorka (bateria) eta Ekaitz (gitarra) dira eta “Karosi” diska haien bigarren lana dugu, urte honetako hasieran kaleratua.
Musika aldetik rock-a estilu nagusia dela aipa daiteke nahiz eta partaideek aurreko taldeetan estilo ezberdinak jorratu. Kantu melodiko eta dantzagarriak egiten dituzte eta abestien gaiak Euskal Herriaren ingurukoak dira gehienak: euskara, presoak, baita musika eta amodioari buruzkoak.
Diska honetan ere haien abesti famatuena aurki dezakegu, “bihotzetatik zintzilik” hain zuzen. Bertan Xabi Solano eta Ines Osinagaren partaidetza entzun daiteke eta lan ikaragarri honen ondorioz Euskal Herriko leku guztietan entzuten da lan hau.
Besterik gabe goza ezazue eta haiek zuzenean ikusteko aukera izan ezean, ez izan dudarik, anima zaitezte!