Gure jai egutegia

Erabiltzailearen aurpegia


San Rokeko festak amaituta, jai horren inguruan sortzen diren eztabaidak duela 35 urte sortzen ziren berak direla ikusten dut. Dudarik gabe, garaiak aldatu egin dira. Jai-eredua zalantzan dago. Geroz eta zailagoa da zentzua ematea aspaldiko garaietan auzokideen eguneroko bizitzan benetako salbuespenezko gertakari bat zen horri. Gaur egun aisiak gure bizitzak zeharo zipriztintzen du eta parranda askoz maiztasun gehiagorekin dugu eskura. Zaindariaren jaien behin-behinekotasunaren zentsua urtu egin da.

Horrekin batera, gure egutegi bereziak arazoak sortzen ditu antolakuntzan zein jaien kontzeptuaren ulerkeran. Luzeegia lehen, zatitua orain... eztabaida berdina da urtero. Zoritxarrez, eztabaida nahiko garratza izan ohi da hori, aurreiritzi askorekin eta justifikazio eskaseko immobilismo batzuetatik planteatzen dena. Antagonismo ideologikoek pisu gehiegi hartzen dute.

Badirudi orain badaudela gure jai egutegiaren inguruko eztabaida sosegatu bat eskatzen duten ahotsak. Dauden aukeren abantaila eta desabantailak erakutsiko dituen eztabaida bat. Ahalik eta kontsentsurik handiena bilatuko duen eztabaida bat, ahobatezko akordio bat ezinezkoa izango dela jakitun. Konfrontaziotik baino, kooperazio eta elkarlanetik abiatutako eztabaida bat, zeinetan ez den inoren aurka joko. Eztabaida bat zeinetan XXI. mendeko festa batek dituen beharrizanak Laudiokoak izateagatik berezi eta paregabeak diren jaien esentziarekin nahastuko diren. Ondo aterako al da!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide