Amurrioko jaietan hainbat jarduera egiten dira (Odolkien eguna, paella San rokeren errepikapenean...), non janaria eta edaria ematen zaigun, baina edari gisa, aukera bakarra baso bat ardo da.
Benetan nahi al dugu gazteek ardoa edatea eta beste aukerarik ez izatea? Kontraesan handia da. Batetik, alkoholaren kontsumoaren aurkako kanpainak egiten ditugu. Bestetik, gure gazteei ematen diegun aukera bakarra da.
Horretaz aparte, biztanle gehienek ardoa nahiago ote dute?
Arazoa erraz konpon daiteke eta ez lioke aparteko gasturik ekarriko Udalari: jendeak edalontzi bat ardo edo botilatxo baten artean aukeratzea.
Gazteei ezin diegu mezu kontraesankorrik eman. Horregatik, inguruko udalei, auzoetako jaiei, eta, bereziki, Amurrioko Udalari eskatzen diet arazo hori euren gain har dezatela. Amurrion egingo diren hurrengo jai edo jarduera gastronomikoetan hautatu ahal izatea: UR-BOTILATXOA edo ardo-edalontzia.
Ziur nago urte batzuk barru aldaketa txiki honen harropuzkeriak izango ditugula. Gainera, lehenengo proban frogatuta geratuko da ur-botilatxoen kontsumoak ardo-edalontzien kontsumoa gainditzen duela.
Eutsi goiari!!