Badakigu zer, erabaki dezagun nola!

Erabiltzailearen aurpegia

Euskal Herriko panorama politikoan sarritan noraezean blokeaturik gauden sentsazioa dugun arren, etorkizunera begira estrategia bat zehazteko oinarrizkoak diren zenbait kontu, behintzat, inoiz baino argiago daude:

1. Euskal Herriak bere buruaren jabe izan behar du bere etorkizuna eraikitzeko.

2. Espainiar eta frantziar Estatuen barruan ez dago inolako burujabetza aukerarik, eta dependentzia egoera honetan gure etorkizun politikoa, ekonomikoa, soziala, kulturala… hipotekatzen ari gara.

3. Estatuekiko aldebiko harreman/negoziazio eskema agortuta dago, iragana da, kimera bat. Bide horrek “statu quo” menperatzailea betikotzea besterik ez dakar. Beraz, aldebakarreko bidea da gelditzen zaigun aukera eraginkor bakarra. Espainia eta Frantziaren jakobinismo eta ultranazionalismo zanpatzailearen aurrean demokrazian, justizia sozialen, dibertsitatean eta elkartasunean oinarritutako independentismo aurrerakoia da alternatiba bakarra. Hots, Euskal Estatua eratu eta Euskal Errepublika aldarrikatzea.

4. Posiblea da. Eskozia eta Katalunia egiten ari diren bidea da horren adierazgarri. Gehiengo sozial independentista metatu eta aktibatzea da gakoa.

Eta hau honela izanik, zer demontre egiten dugu hain epel! Badakigu zer nahi/behar dugun. Badakigu nora goazen. Erabaki dezagun, behingoz, nola egin bidea!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide