Lehenik eta behin, hondakin organikoa poltsa konpostagarrietan sartuta baino ezin dira bota. Hondakin hau Bizkaiko Konpostegian amaitzen da konpostean bihurtzeko. Bertan ez dira onartzen plastikozko poltsak eta atzera botatzen dira inpropioak dituzten hondakinak. Gutxiengo baten arduragabekeriak arriskuan jar dezake gainerako parte-hartzaileen ahalegina.
Poltsa konpostagarri hauek dohainik ematen dira, ekimen honen barruan dauden bederatzi udalerrietako (Arakaldo, Arrankudiaga-Zollo, Arrigorriaga, Etxebarri, Orozko, Ugao-Miraballes, Urduña, Zaratamo eta Zeberio) informazio-gune iraunkorretan, toki hauetan: Udaletxeetan, Arrigorriagako Abusu Zentro Soziokulturalean, Udaltalde 21 Nerbioi-Ibaizabalen Bulegoan, Arrankudiaga-Zollo, eta Urduñako Alondegian.
Bigarrenik, poltsa hauek parte hartzen duten etxeei dohainik ere ematen zaien giltzaz zabaltzen den edukiontzi marroiaren barruan utzi behar dira. Ezin dira edukiontzitik kanpo laga estetika eta garbitasun arrazoiengatik.
Gogoratu behar da hondakinen frakzio organikoaren bilketa berezia, jasangarriago izateaz gain hondakina baliabide bihurtzen duelako, konposta, aurrezpen ekonomikoa ekartzen duela. Bere tratamenduaren salneurria 42,02 euro tonako merkeagoa da errefusarekin alderatuz. Urtearen amaieran milaka euro dira aurrezten direnak eskualdean parte hartzen duten etxeen ahaleginari esker.
Argibideak eta izena emateko: www.ut21.org, konposta@ut21.org eta 94 671 26 99 telefonoan.
Hondakinen frakzio organikoa: poltsa konpostagarrian eta edukiontzi marroiaren barruan
Udaltalde 21 Nerbioi-Ibaizabalek etxeko hondakinen zati organikoaren bilketa (bostgarren edukiontzi marroia) zerbitzuaren funtzionamendu egokirako bi gai gogoratu nahi du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide