Udariklik lehiaketa abiatu du Aiaraldea Komunikabideak, udako argazki lehiaketa. Azken urteetako eredu bera mantenduko du ekimenak aurten ere. Irailaren 15era arte egongo da irudiak bidaltzeko aukera. Horretarako, modurik zuzenena da argazkiak norberak igotzea, hemen.
Dena den, aukera egongo da baita Whatsapp, Telegram (688 84 81 52) edo posta elektroniko bidez (erredakzioa@aiaraldea.eus) ere bidaltzeko.
Modu batean edo bestean, parte hartzaileek euren izen-abizenak zehaztu beharko dituzte, eta euskarazko izenburu bat jarri beharko diote euren irudiari.
Hiru kategoria, hiru sari
Hiru kategoria egongo dira, eta sari bana banatuko da bakoitzean:
- AIARALDEA (eskualdean eginiko argazki onena): Guzurtegi jatetxean 90 eurotan zenbatetsitako otordua
- MUNDUA (eskualdetik kanpo eginiko argazkia) 8 pertsonentzako esperientzia Mendexa Park-en.
- BAZKIDEEN SARIA (Aiaraldea Kooperatiba Elkarteko bazkideek eginiko argazkiak): Laudioko El Lío jatetxean bi lagunentzako 60 euroko bazkaria edo afaria. Sari hau bateragarria izan daiteke aurreko beste bi sarietako edozeinekin (hau da, sari hau irabazteak ez du parte hartzaileak beste bi kategorietan izan ditzazkeen aukerak mugatzen)
Bozketa eta epaimahaia
Irailaren 16tik 22ra bitartean Aiaraldea.eus webguneko erabiltzaileek bozkatuko dituzte argazki gogokoenak. Kategoria bakoitzeko lehen hamarren artean hautatuko dituzte epaileek nortzuk izango diren irabazleak.
Eskualdeko bi argazkilarik osatuko dute epaimahaia: Janire Usateguik eta Maied Urrutiak. Biak dira adituak. Janire Usateguik bere argazki estudioa dauka (Jare) eta Maied Urrutiak, aldiz, Amurrioko udal ikastaroak eskaintzen ditu.
Janire Usategui (www.jarephotoayala.com)
Maied Urrutia (@maiedurrutiaparra)
