2017an antolatzen hasi ginen Aretan, Kutxabankek hemengo bulegoa ixtear baitzegoen eta jende asko alboratuta geratuko zen. Gure asmoa zen bankuak erabaki horretan atzera egitea eta horretarako bilera deitu genuen.
Jende asko haserre zegoela eta euren babesa genuela ikusi genuen eta Laudioko zuzendariarekin zein Gasteizko arduradunekin bildu ginen. Okondon egoera berean zeudenez, eurekin batu genituen indarrak eta Aretan zein Laudion elkarretaratzeak antolatu genituen. Aipatzekoa da udalen zein Aiarako Kuadrillaren babesa izan genuela.
Edonola ere, azkenean, Kutxabankek bi bulegoak itxi zituen eta bezero askok, utzikeria horren ondorioz, kontuak itxi zituzten, zigor moduan.
Orain ikusi dugu 5 bulegotik bakarrera pasa direla Laudion eta minutu gutxiko tramitea egiteko ordubetea behar duzula. Ez dakit Kutxabankek zer baloratzen duen bulegoak ixteko, baina jende guztia ez da ondo moldatzen kutxazainetan edo Internet bidezko zerbitzuan eta eurek trabak besterik ez dituzte jartzen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
