Urduña hiriak Santa Zezilia jai-eguna dela eta Musikaren Astea antolatu du azaroaren 20tik 28ra.
Ekitaldien antolatzaileak Urduñako udala, Santa Zezilia Banda eta Liborio Kolektiboa dira.
Hala, Urduñara bertaratzen den orok 25 musika ekitaldi baino gehiagoz gozatzeko aukera izango du.
Liborio Kolektiboak egun osoan “Poteo musikalak” eskainiko ditu. Era honetan, eguerdietan, arratsaldeetan zein gauean estilo ezberdinetako musika talde ugari ezagutzeko aukera egongo da, momentu berdinetan hiriko taberna ezberdinetan kontzertuak izango baitira.
Eriz Perez Liborio Kolektiboko kideak eta Kultur zinegotziak azaldu duenez, “asmoa Urduña musikaz busti eta herritarrengana gerturatzea da, Urduñako poteoa bezalako eremu sozial batean”.
Santa Zezilia bandak ere ekitaldi ugari prestatu ditu, Urduñako musika talde guztiekin batera osatzen duten kontzertua kasu. Horrez gain, umeak eta banda protagonista dituen beste emanaldi berezi bat eskainiko dute.
Ildo beretik, Urduñako udaleko euskara eta kultur arloek euskal musika tresnen kontzertu didaktikoa antolatu dute. Ekitaldiak garatzeko udalak karpa jarriko du Foru plazan.
Egitarau osoa
Azaroaren 16tik 27ra
Binilo disken portaden erakusketa Kultur etxean
Azaroak 19, osteguna
“Elefante txikia” ipuin kontalari musikatua udal liburutegian
Azaroak 20, ostirala
20:00 Urduñako musika taldeen kontzertua Andra Mari elizan
23:00 Liborio kolektiboaren kontzertua. La Union tabernan: JPK (pop-rock).
Azaroak 21, larunbata
13:00 Poteo Musikala:
-
Sortetxe: Alain Concepción Duo (Soul)
-
Batzoki: Azuca na má. (Musika kubatarra)
-
Belatz Gorri: The Pushermen (Funk)
-
Rómulo: Street Messengers (Blues Rock)
18:00 Poteo Musikala:
-
Sutegi: Soul Kitchen Moments (Soul)
-
Hiria: Baxter (19:00h) (Blues Rock)
19:00 Santa Zezilia bandarekin poteoa eta kalejira
22:00 Rock kontzertuak plazan
-
Tatoman & Wikimen.
-
Etenik Ez.
-
Versen.
-
Ramping
Azaroak 22, igandea
11:30 Kalejira Santa Zezilia bandarekin eta 12:30ean meza, bandak girotua
12:00 Hala Dzipo Musika Eskolarekin “Abeltxuriak” euskal soinu tresnen kontzertu didaktikoa
13:00 Poteo musikala:
-
X: Music Box (Soul Pop)
-
Marrazki: La Mara y Gus (Flamenkoa)
-
Lupardika: Capitan Ahab (Reagge)
-
Tuareg: Peri Flay (Pop Rock)
-
La Posada: The Cockies (Blues)
18:00 Poteo musikala:
-
Meli’s: Carlos Velasco Duo (Jazz)
-
Gernika: Carla Sevilla & Marcos Salcines (19:00) (Soul Jazz)
Azaroak 27, larunbata
19:45 Santa Zezilia bandaren haurren kontzertua Andra Mari elizan
22:30 Liborio Kolektiboaren kontzertua. Mugalde taberna: Durbin Poveda (Pop Rock)
00:30 Liborio Kolektiboaren kontzertua. La Noche taberna: Moonshine Wagon (Country Folk)
Azaroak 28, igandea
13:00 Liborio Kolektiboaren poteoa, bazkaria (15:00) eta Jam Session (18:00) Urduñako gaztetxean