Dagoeneko ohikoa den Gabonetako Erakusleiho Lehiaketa izan da abenduan Urduñan. Aurtengo edizioan sariak oso hedatuak egon dira parte hartu duten hamar saltokien artean.
Maila teknikoan Luyando Ópticosek irabazi du 1. saria, lore-estilista den La Bonitak 2. saria lortu du eta Jorge Ugalde arkitekto teknikoaren sorkuntzak 3. saria.
Lehenengoz lehiaketa honetan atal berezia sortu da soilik herri epaimahaiaren iritzia jasota. Azpimarratzekoa da parte-hartzea handia izan dela: 93 bozka guztira.
Horien bitartez urduñarrek Ortega okindegiari eman diote 1. saria, Jorge Ugalderi 2.a eta Ederki urdaitegiari 3. saria.
Parte hartu duten 90 pertsona baino gehiago horien artean ACCOReko saltokietan erabiltzeko 50 euroko bi bono zozketatu dira. Aurten Miren Ares eta Daniel Estévez izan dira sari horiek lortu dituzten bi pertsonak.
Urduñako Udalak eta bereziki Ekonomia Sustapen Arloak parte hartu duten herritarrak zein denda eta taberna parte-hartzaileak zoriondu nahi ditu, haien sorkuntza bereziekin hiria alaitzen lagundu dute eta.
Luyando Ópticosek irabazi du 1. sari teknikoa eta Ortega Okindegiak herri epaimahaiarena. Aurtengo edizioan hamar saltoki eta ostalarik parte hartu dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide