Urduñako Udalak «Landa eremuan bakardadea eta isolamendua gutxitzen. Teknologia adineko pertsonen esku hartze komunitarioaren zerbitzura» proiektu pilotua martxan jarri du. Horrekin, adinean aurrera doazen pertsonek, bakarrik bizi direnek edo beste pertsona heldu batzuekin, euren etxeetan bizitzen jarraitu ahal izatea bilatu nahi da, segurtasun eta babes baldintza egokietan, isolamendurako eta bazterkeria sozialerako arriskua gutxituta.
Diagnostiko fasea osatu da jada, bakarrik bizi den adineko pertsonen argazkia eman diguna. Hemendik aurrera parte hartze komunitarioa landuko da, proiektu horretarako giltzarritzat jotzen den elementua. Merkataritza, parrokia, elkarte eta gainerako auzokideen elkarlana bultzatuko da. Eragile horiek edo «auzozainek», errespetuz eta zaintza kontuan hartuta, euren eguneroko bizitzan harremana duten adineko pertsonen ohiko errutinei arreta jartzea da helburua. Kezkatzen dituen egoera edo aldaketaren bat ikustekotan, adineko pertsonarekin berarekin edo bere familiarekin alderatuko dute eta, ondoren, udal gizarte zerbitzuetara bideratu. Zaintza sare horretan inplikatutako guneak ikusteko moduko bereizgarri batekin identifikatuak izango dira. Era berean, proiektuaren garapenarekin Urduñako hiritarrei informazioa errazteko eta sentsibilizatzeko hainbat komunikazio bide erabiliko dira.
Ekimen pilotu hori aurtengo udazkenera arte garatuko da, baina sortzen diren dinamikek babes komunitarioko ehuna indartzea espero da, pertsona zaurgarrienen zainketa orokortzeko. Programa hori Obra Social La Caixak diruz lagundua da eta EISEk eta udal gizarte langileetako batek dinamizatuko dute.
Urduñak elkarlan komunitarioko sare bat sustatu du adineko pertsonen isolamendua sahiesteko
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide