Urduñako Udalak ekin dio dagoeneko hiriko Emakumeen eta Gizonen Berdintasunerako III. Plana (2020-2022) egiteko prozesuari eta urduñarren eskaera, interes eta premietara ahalik eta gehien egokitzea izango du helburu. Horretarako, Berdintasun Arloak prozesu parte hartzailea abiatu du, herritarren balorazioak, ekarpenak eta proposamenak jasotzeko helburuarekin. Horretan parte hartzeko atxikita dagoen galdetegia bete beharko da eta aaginagalde@gehilan2000.com e-porta helbidera bidali. Informazio gehiago jasotzeko aukera dago aaginagalde@gehilan2000.com helbidean. Horiek entregatzeko epea datorren urriaren 7an bukatuko da, astelehenean.
Eusko Jaurlaritzak zehaztutako lerroen arabera, 2009an, gure udalak Emakumeen eta Gizonen Berdintasunerako I. Plana onartu zuen; eta, ostean, 2015ean, 2018ra arte luzatutako Emakumeen eta Gizonen Berdintasunerako II. Plana (2015-2017). Eusko Jaurlaritzak onartutako Emakumeen eta Gizonen Berdintasunari buruzko otsailaren 18ko 4/2005 Legearen I. kapituluko 15. artikuluan xedatutakoaren arabera, udalek emakumeen eta gizonen berdintasunerako planak edo programak onetsi beharko dituzte.
III. Berdintasun Plana diseinatzeko prozesu partehartzaileari ekin dio Urduñak
2019ko urr. 7a, 07:00
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide