Petra Sparrer bidai-idazlea, Alemaniako Michael Müller Verlag argitaletxekoa, Urduñan emango du eguna datorren larunbatean, urriaren 5ean. Euskal Herriari buruzko gida egiten dabil eta bertan, Donosti eta Bilboko kontuak azaltzeaz gainera, txangoak proposatuko ditu kostalde zein barrualdeko herrietara, Urduña barne. Egun horretan hiriko hirigune historiko-monumentala ezagutuko du Turismo Bulegoko profesionalen eskutik eta, ondoren, inguru naturalean ere mugilduko da. Besteak beste, Txarlazo mendia eta Nerbioi ibaiaren jauzia bisitatuko ditu. Urduñako denda eta jatetxeetatik ere ibiliko dira.
Sparrer Euskal Herrian dago irailaren 9tik Turismoaren Euskal Agentzia-Basquetourrek hainbat erakunderekin elkarlanean antolatutako bidaian, Urduñako Udala barne. Gida alemanieraz argitaratuko da eta bertan Euskal Herriaren historia, gastronomia eta kultura hartuko ditu barne, baita erabilgarria den informazioa ere, hala nola jatetxe, hotel eta denden helbideak eta aire librean egiteko jarduerak.
Turista alemaniarrak
Alemaniatik 100.000 bisitari baino gehiago etortzen dira urtero Euskal Herrira. 2011. eta 2017. urteen artean, Alemaniatik etorritako turisten kopurua %50 igo zen Euskadin. Alemaniatik etorritako turisten kopurua garrantziaz hirugarrena da, Frantzia eta Erresuma Batuaren ondoren. Suitzari dagokionez, 20.000 bisitari baino gehiago datoz Euskal Herrira eta Austriatik 12.000 (azken urteotan bi herrialde horiek hazkunde aipagarriak izan dituzte).
Petra Sparrer bidaia-idazleak Urduña bisitatuko du
2019ko urr. 5a, 16:25
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide